Нэг. Зорилго:

Газар зохион байгуулалт, газрын кадастр, газрын харилцааны салбарын бодлого, төлөвлөлт, засаглал, эрх зүй, эдийн засаг, орон зайн мэдээлэл, дэвшилтэт технологи, тогтвортой хөгжил, уур амьсгалын өөрчлөлт зэрэг олон чиглэлээр хийгдсэн шинэлэг судалгаа, боловсруулалтын ажлын үр дүнг олон нийт, мэргэжлийн хүрээнд танилцуулах, хэлэлцүүлэх, салбарын эрдэмтэн, судлаач, мэргэжилтнүүдийн хамтын ажиллагааг өргөжүүлэх, туршлага, мэдээлэл солилцох, цаашдын судалгаа, инновац, хөгжлийн чиг хандлагыг тодорхойлох, салбарын тулгамдсан асуудлыг шинжлэх ухаанд суурилсан шийдлээр дэмжихэд хурлын зорилго оршино.

Хоёр. Ач холбогдол:

Тус хурал нь газрын харилцаа, газар зохион байгуулалт, газрын кадастрын салбарт хийгдэж буй судалгааны ажлуудтай танилцах, тэдгээрийн үр дүн, шинэлэг арга зүй, технологийн шийдлийг хэлэлцэх, туршлага солилцох, судалгааны чанар, үр өгөөжийг дээшлүүлэх, уур амьсгалын өөрчлөлт, тогтвортой хөгжил, бүсчилсэн болон нэгдмэл төлөвлөлтийн бодлоготой уялдсан шинжлэх ухааны үндэслэлтэй санал, зөвлөмж боловсруулах, салбарын бодлого, эрх зүйн шинэчлэл, цахим шилжилт, институтийн оновчлолд дэмжлэг үзүүлэхэд чухал ач холбогдолтой.

Гурав. Хамрах хүрээ:

Хуралд Монгол Улсын газрын харилцаа, газар зохион байгуулалт, газрын кадастрын чиглэлээр үйл ажиллагаа явуулж буй төрийн болон төрийн бус байгууллагын мэргэжилтнүүд, эрдэм шинжилгээний байгууллагын ажилтнууд, их, дээд сургуулийн багш, судлаач, докторант, магистрант, хувийн хэвшлийн төлөөлөл, мөн гадаад улсын эрдэмтэн, судлаач, мэргэжилтнүүд оролцоно.

Дөрөв. Сэдвийн чиглэл:

• Газрын харилцааны бодлого, төлөвлөлт, засаглал, олон улсын туршлага
• Уур амьсгалын өөрчлөлт ба газар ашиглалтын харилцан нөлөөлөл, экологийн чанарын үнэлгээ
• Уур амьсгалын өөрчлөлтөд дасан зохицох, тогтвортой газар ашиглалт ба газрын доройтлыг бууруулах арга, технологи
• Газар ашиглалт ба хүрээлэн буй орчны тогтвортой хөгжил
• Газрын бодлогын шинэчлэл, хэрэгжилт
• Бүсчилсэн хөгжлийн бодлого, нэгдмэл төлөвлөлт, шийдэл
• Газрын салбарын цахим шилжилт, түүний үр дүн
• Газрын салбарын инновац, технологийн дэвшил
• Газрын харилцааны институтийн оновчлол, төр-хувийн хэвшил–төрийн бус байгууллагын түншлэл, тулгамдсан асуудал, шийдэл
• Газрын эрх зүй, бодлого, зохицуулалт
• Газрын эдийн засаг, зах зээл, үнэлгээ, татвар
• Орон зайн мэдээлэл, дэвшилтэт технологи, кадастр
• Газрын бүртгэл, өмчлөл, эрхийн баталгаажуулалт
• Газрын менежмент, хөрөнгө оруулалт, олон улсын туршлага
• Газрын харилцаа ба газрын менежментийг сайжруулах арга зам
• Газрын маргаан, эрх зүйн зохицуулалт, шийдвэрлэх арга зам

Тав. Зохион байгуулалт:

• Хурал танхим болон цахим хосолсон хэлбэрээр зохион байгуулагдана.
• Илтгэгч илтгэлээ PowerPoint программаар, өгүүллээ Word программаар бэлтгэн цахим хэлбэрээр ирүүлнэ.
• Ирүүлсэн өгүүллийг зохион байгуулах комисс хянан хэлэлцэж, шалгарсан илтгэлийг хурлын нэгдсэн хуралдаанд аман хэлбэрээр хэлэлцүүлнэ.
• Шалгарсан илтгэлийн зохиогчдод комиссоос албан ёсоор мэдэгдэнэ.
• Аман илтгэлд шалгараагүй өгүүллийг ханын илтгэл (poster) хэлбэрээр хүлээн авч, цахим сертификат олгоно.
• Өгүүлэл нь "Газрын харилцаа" ISSN (ISSN-L): 3006-5666 дугаартай сэтгүүлийн өгүүлэл хүлээн авах, хэвлүүлэх журмын дагуу бичигдсэн байна. (Заавар, журмыг https://agroecology.muls.edu.mn/ цахим хуудаснаас татаж авна.)
• Ирсэн өгүүллийг редакцын зөвлөлөөр хянуулж, засвар хийсний дараа "Газрын харилцаа" сэтгүүлийн No25/01 дугаарт хэвлэнэ. Ирүүлсэн өгүүллүүдээс “BEST PAPER AWARD–2026” (Шилдэг эрдэм шинжилгээний өгүүлэл), "INDUSTRY INNOVATION AWARD–2026" (Үйлдвэрлэлд нэвтрүүлэх шилдэг инновац) номинаци тус бүрээр нэг шилдэг бүтээлийг шалгаруулж, зохиогчид өргөмжлөл, цом (BEST PAPER), мөнгөн шагнал гардуулна. Шалгарсан өгүүллүүдийг хурлын нэгдсэн хуралдаанд илтгэнэ.

Зургаа. Зохион байгуулагч:

• Газар зохион байгуулалт, геодези, зураг зүйн ерөнхий газар
• ХААИС, Агроэкологийн сургууль, Газрын менежментийн тэнхим
• ШУА-ийн Газарзүй, геоэкологийн хүрээлэнгийн Газрын нөөц, газар ашиглалтын салбар
• Нийслэлийн бодлогын судалгаа, шинжилгээний газар
• Монголын Газар зохион байгуулалтын холбоо
• Монголын Кадастрын холбоо
• "Газар дэлхий" ХХК
• "Геоботаник" ХХК

Долоо. Ивээн тэтгэгч байгууллагууд:

• Монголын Газар Зохион Байгуулалтын Холбоо
• "Газар Дэлхий" ХХК
• "Геоботаник" ХХК

Найм. Хугацаа:

• Эрдэм шинжилгээний бага хурал 2026 оны 04 дугаар сарын 24-ний өдөр ХААИС-ийн Эрдмийн зөвлөлийн хурлын танхим 43 тоот танхимд зохион байгуулагдана.
• Илтгэл, өгүүллийг 2026 оны 04 дүгээр сарын 05-ны өдрийг хүртэл gazar@muls.edu.mn цахим шуудангаар хүлээн авна.
• Жич: Хурлын талаарх дэлгэрэнгүй мэдээллийг дараах хаягаар авна уу.
• Холбоо барих утас: 99284417, 91910938, 99996904 И-мэйл: gazar@muls.edu.mn